2016-06-07 10:06:00
Չեխիայի Հանրապետության նախագահ Միլոշ Զեմանի ինքնաթիռը քիչ առաջ վայրէջք է կատարել «Զվարթնոց» օդանավակայանում։ Զեմանը Հայաստան է ժամանել պետական այցով եւ այստեղ է լինելու հունիսի 7-ից 9-ը։
NEWS.am-ի թղթակիցը հայտնում է, թե Չեխիայի նախագահին դիմավորել է Հայաստանի ԱԳ նախարար Էդուարդ Նալբանդյանը։
Նշենք, որ այցի շրջանակներում նախատեսված են Չեխիայի նախագահի հանդիպումները ՀՀ բարձրագույն ղեկավարության՝ նախագահ Սերժ Սարգսյանի, Ազգային ժողովի նախագահ Գալուստ Սահակյանի, վարչապետ Հովիկ Աբրահամյանի հետ:
ՀՀ նախագահի նստավայրում հայ-չեխական բարձր մակարդակի բանակցություններ են կայանալու, որոնց ավարտին նախատեսվում է փաստաթղթերի ստորագրման արարողություն:
Երեւանում Հայաստանի եւ Չեխիայի նախագահները ներկա կգտնվեն հայ-չեխական գործարար համաժողովի բացման արարողությանը:
Այս նյութը դիտել են - 1401 անգամ