2016-05-13 10:32:00
Life.panorama.am-ը գրում է.Արդեն երկու օր է՝ Արման Հովհաննիսյանն ու Լիլիթ Հովհաննիսյանը ներկայացրել են իրենց «Իմ բաժին սերը» զուգերգը, որն անմիջապես արժանացել է ոչ միայն կոլեգաներից շատերի, այլեւ հանդիսատեսի մի մեծ հատվածի քննադատություններին:
Այս երգը որակվում է որպես թուրքական ու պարսկական մոտիվներով ստեղծագործություն, տեսահոլովակն էլ՝ անճաշակություն: Քննադատությունները շարունակվում են, բայց Արմանն եւ Լիլիթը ոչ մի կերպ չեն արձագանքում դրանց:
Life.Panoraman.am-ը այս թեմայի շուրջ մեկնաբանություն ստանալու ակնկալիքով խոսեց Արման Հովհաննիսյանի մենեջերի՝ Լուսինե Արշակյանի հետ, քանի որ Արմանն այս պահին գտնվում է ԱՄՆ-ում ու պատրաստվում է մայիսի 15-ին կայանալիք իր մենահամերգին.
«Ես որեւէ մեկնաբանություն չեմ ուզում տալ, միայն կարող եմ ասել, որ աշխատանքը ներկայացված է երկարատեւ լռությունից հետո, սա արվել է Արմանի եւ Լիլիթի երկրպագուների համար, քննադատությունների վերաբերյալ ոչինչ չենք ուզում խոսել»,- նշեց Արման Հովհաննիսյանի մենեջերը, իսկ մեր այն նկատառմանը, թե գուցե երգիչն անձամբ ցանկանա անդրադառնալ լայնածավալ քննադատություններին, Լուսինե Արշակյանը պատասխանեց.
«Այս պահին Արմանը խիստ գրաֆիկով աշխատում է ու պատրաստվում է ԱՄՆ-ում կայանալիք իր մենահամերգին: Մեծ մենահամերգից առաջ նա իր հերթական աշխատանքը ներկայացրեց Լիլիթ Հովհաննիսյանի հետ զուգերգի տեսքով, իսկ կարծիքների վերաբերյալ նպատակահարմար չենք գտնում խոսել»:
Հեղինակ՝ Անուշիկ Մելքոնյան
Այս նյութը դիտել են - 2783 անգամ