Անհաջող ամուսնությունը կործանեց Վովա Գասպարյանի փեսայի կյանքը
2023-02-25 13:16:00
2023-02-25 13:16:00
Երբ Արթուր Գևորգյանը տարիներ առաջ կնության էր առնում Գասպարյան Վովայի աղջկան, չէր էլ կարող մտքի ծայրով անգամ անցկացնել, որ կատարած իր այդ ընտրության պատճառով օրերից մի օր հայտնվելու է խորը կեղտի մեջ:Այն բանից հետո, երբ իրերի բերումով Հայաստանում իշխանազրկվեցին Վովան ու մյուսները, փեսան դարձավ իրավապահների ու արդարադատության օրինական թիրախ՝ ստիպված լինելով քթի ծակերով հետ տալ ապրած երջանիկ տարիներին կերած-խմածը:
Ինչպես տեղեկացրել են դատախազության հանրային կապերի բաժնից, դատախազը փետրվարի 24-ին հանրային քրեական հետապնդում է հարուցել Ազգային ժողովի նախկին պատգամավոր Արթուր Գևորգյանի նկատմամբ՝ առանձնապես խոշոր չափերով գույքերը չհայտարարագրելու, ապօրինի հարստանալու և հանցավոր ճանապարհով ստացված առանձնապես խոշոր չափերի գույքն օրինականացնելու համար՝ հիմնվելով ՀՀ քրեական օրենսգրքի 310.1-րդ հոդվածի (ապօրինի հարստանալը), 314.3-րդ հոդվածի 2-րդ մասի (երեք դրվագ՝ առանձնապես խոշոր չափերով հայտարարագրման ենթակա տվյալը թաքցնելը) և 190-րդ հոդվածի 3-րդ մասի 1-ին կետի (հանցավոր ճանապարհով ստացված առանձնապես խոշոր չափերով գույքն օրինականացնելը (փողերի լվացումը)) վրա:
Այսպիսով՝ Վովայի փեսային մեղադրում են միլիոնավոր դոլարների թալանի համար:
Իսկ թե ինչպես է Լոս Անջելեսում քառօրյայի և 44 օրյա պատերազմների ժամանակ զոհված ու վիրավոր ընտանիքների համար հանգանակած միլիոնավոր դոլլարների «հիմնադրամով» լվացվել սրանց գումարները՝ այդ մասին ժամանակն է, որ խոսի Վովայի հայտնի կոֆե եփող Մալյան Նարեկը, ոչ միայն վկա, այլ նաև որպես լվացմանը մասնակից: «Ձեռքը ձեռք է լվանում, 2 ձեռքը՝ երես. «Օգնության ձեռք»:
Կասկած չկա, որ մեղադրանքը հիմնավոր է, քանի որ ոչ մեկի համար գաղտնիք չէ, թե ինչ բնույթ ուներ այսպես կոչված նախկինների իշխանությունը և թե ինչ դիրք էր այդ բուրգում զբաղեցնում Վլադիմիր Գասպարյանը, որ նույնիսկ չէր էլ կարող պատկերացնել, թե ինչ է իր գլխին բերելու ընդդիմադիր Նիկոլ Փաշինյանը՝ ՀՀԿ-ի համաձայնությամբ ու օգնությամբ վերցնելով իշխանությունը:
Ինչ-որ իմաստով Գևորգյանին պետք է համարել զոհ, քանի որ եթե նա չլիներ Վովայի փեսան, այլ կնության վերցներ հասարակ մի աղջկա, դժվար թե կարողանար այն կարգի ունեցվածք կուտակել ու հարստանալ այնքան, որ արաբական շեյխերի նախանձն անգամ կարողանար շարժել, իսկ այսօր էլ այդ ամենի համար այսպես վճարել:
Վովան ու փեսան այնքան են երկիրը թալանել, որ ցանկացած արաբական շեյխ սրանց մոտ աշխատավարձով մի կերպ յոլլա գնացող միջին վիճակագրական ՀՀ քաղաքացի է թվում: Ուղղակի տարբերությունն այն է, որ նրանք բացահայտ միլիարդատերներ են, իսկ սրանք՝ գաղտնի:
Բայց թող չթվա, թե Վովայի փեսային դատողները մաքուր ու ազնիվ են. սրանց էլ հաջորդ իշխանություններն են դատելու՝ ժողովրդի աչքերը բացելով:
Գ.Մանուկյան
Այս նյութը դիտել են - 18831 անգամ