ARMLUR. Արգելված ինչ միջոցներ են կրում ոստիկանները. Թագուհի Թովմասյանը գրություն է ուղարկել գլխավոր դատախազին
2022-05-27 01:10:00

 ՀՀ ոստիկանության զորքերի ծառայողները կրում են լրացուցիչ միջոցներ, որոնցից շատերի կիրառումն արգելված է եւ անթույլատրելի խաղաղ հավաքների եւ ցույցերի ժամանակ: Այս տեղեկության հեղինակը AntiFake.am լրատվական կայքն է: 

AntiFake.am-ի հրապարակած հոդվածում մասնավորապես նշվում է, որ Ոստիկանության զորքերի ծառայողների մոտ նկատվել են 7.62 մմ ինքնաձիգեր, որոնք գտնվում են ոստիկանության զորքերի հաշվեկշռում, փողատակի նռնականետ, որի արձակած արկը հզոր լուսաձայնային ազդեցություն է գործում։ Նշված նռնականետով օգտագործվում է նաև ոստիկանության հաշվեկշռում չգտնվող «VOG-25» մարտական նռնակ: Ոստիկանության զորքերի հատուկ միջոցների հաշվեկշռում կա 40 մմ լուսաձայնային արկ` «Սվիրել», որի պիտանելիության ժամկետը լրացել է 2021 թվականին։ Ժամկետանց նռնակի օգտագործումը չափազանց վնասակար է եւ՛ այն կիրառողի, եւ՛ այն զանգվածի համար, որի դեմ այն կիրառվում է: Կարդացեք նաև Նախկինում իրավապահների այս գործելաոճը քննադատում էր Փաշինյանը, իսկ հիմա խրախուսում է. Թագուհի Թովմասյան «Էդ Ազգային ժողովը էդ ի՞նչ ասոբի վրեդնի շենք է». Թոշակառուն պատգամավորին Մայիսին ոստիկաններն ավելի քան 3 մլրդ դրամ պարգևավճար են ստացել. Civilnet Ազգային ժողովի շենքի բակում վերջերս, նաեւ նախորդ տարի, տեղադրվել են «Պլամյա-Մ» տեսակի էլեկտրոնային եղանակով պայթեցվող նռնակներ, որոնք եւս արգելված են օգտագործել այն հավաքների դեմ, որոնց շարքերում կան 18 տարեկանից ցածր անձինք: Իհարկե, դրանց կիրառումը բազմահազարանոց հանրահավաքներում ու երթերում, որտեղ կան բավական թվով անչափահասներ եւ հղի կանայք, անդառնալի հետեւանքներ կարող է ունենալ։ «Ոստիկանության մասին» ՀՀ օրենքի 31-րդ հոդվածի համաձայն՝ արգելվում է ոստիկանության սպառազինության մեջ հատուկ միջոցների այնպիսի տեսակներ ընդգրկելը, որոնք, ըստ իրենց մարտավարատեխնիկական բնութագրերի, կարող են մարդու առողջությանը պատճառել ծանր վնաս կամ մարդու օրգանիզմում առաջացնել անդառնալի փոփոխություններ կամ մահ պատճառել կամ չհիմնավորված ռիսկի աղբյուր են: Հաշվի առնելով վերոգրյալը՝ գրություն եմ ուղարկել ՀՀ Գլխավոր դատախազին՝ պահանջելով հանձնարարել իրավասու մարմիններին ուսումնասիրելու ոստիկանության ծառայողների կողմից արգելված հատուկ միջոցներ կրելու եւ հնարավոր իրավիճակներում օգտագործելու մասին տեղեկությունը եւ համապատասխան ընթացք տալ, ինչպես նաեւ սույն ներկայացված հարցի ուսումնասիրության ու լուծման արդյունքների վերաբերյալ ինձ տրամադրել տեղեկություն։ 
Թագուհի ԹՈՎՄԱՍՅԱՆ «Պատիվ ունեմ» խմբակցության պատգամավոր, 

ԱԺ մարդու իրավունքների պաշտպանության եւ հանրային հարցերի մշտական հանձնաժողովի նախագահ

Այս նյութը դիտել են - 4549 անգամ