ԱՄՆ նախագահական ընտրությունների թեկնածու, միլիարդատեր Դոնալդ Թրամփն էլ ավելի է ամրապնդել իր առաջնորդությունը հանրապետական-մրցակիցների շրջանում` Հարավային Կարոլինա նահանգում շաբաթ կայանալիք հերթական նախնական ընտրություններին ընդառաջ:

Ինչպես հայտնում է РИА Новости-ն, հանրային հարցման վերջին տվյալների համաձայն՝ Թրամփը վայելում է հանրապետական կուսակցության կողմնակիցների 39 տոկոսի աջակցությունը: Նրա ամենամոտ հետապնդողներն են Մարկո Ռուբիոն և Թեդ Կրուզը` 19 և 18 տոկոս ձայներով համապատասխանաբար:


Փետրվարի 5-ի տվյալների համեմատ Թրամփի աջակցությունը մեծացել է 8 տոկոսով, Ռուբիոն պահպանել է դիրքերը, իսկ Կրուզը` կորցրել 4 տոկոս:


Նշվում է, որ Ֆլորիդայի նահանգապետ Ջեբ Բուշի վարկանիշը, չնայած եղբոր` ԱՄՆ նախկին նախագահ Ջորջ Բուշի կողմից ստացվող աջակցությունից, այնքան էլ բարձր չէ երկրի մասշտաբով: