«Հրապարակ».ԲՐՈՆԻ ԺԻԼԵՏ ՆՈՒՅՆԻՍԿ ՉԵՆ ՈՒՆԵՑԵԼ. ԱԿՑԻԱ՝ ԷՋՄԻԱԾՆԻ ԶՈՐԱՄԱՍԻ ԴԻՄԱՑ
2020-11-30 23:46:00
2020-11-30 23:46:00
Անհետ կորած 34 զինծառայողների ծնողներն ու հարազատները բողոքի ակցիա են իրականացնում Էջմիածնի զորամասի դիմաց, նրանք հենց այս զորամասից են մեկնել առաջնագիծ։Այս նյութը դիտել են - 1343 անգամ
«60 հոգուց 34-ը չկա, 16-ը դուրս են եկել, որի մեջ իրենց կամանդիրներն են։ Նրանք էլ ի՞նչ են ասում, ոչինչ էլ չեն ասում, ասում են՝ իրավասու չենք, սպասում ենք նախարարությանը»,- ասաց ծնողներից մեկը։
«42 օր է չգիտեմ՝ թոռներիս ինչ պատասխան տամ, հարսիս ինչ պատասխան տամ, 3 անչափահաս երեխաներ են։ Ոնց մեր երեխեքին ողջ տարել էլ, նենց էլ ողջ տվեք, խնդրում ենք, պահանջում ենք։ Ու՞ր է մեր պետությունը , ու՞ր է նայում»,- ասաց ծնողներից մյուսը։
Ակցիայի մասնակցիներից մյուսն էլ վստահեցրեց՝ իրենց հարազատները անհրաժեշտ պարագաներ անգամ չեն ունեցել պատերազմ մեկնելուց։
«Երեխաներին տարել են մարտական գործողության, բայց ինչու՞ չի հատկացվել բրոնի ժիլետ, կապ չունի, թե իրեն որտեղից որտեղ են տեղափոխել , իրենք չեն ունեցել ժիլետ այն դեպքում, երբ ողջ երկրում ռազմական դրություն ու պատերազմական իրավիճակ է հայտարարված եղել»,- ասաց անհետ կորած ծառայողներից մեկի քույրը։
«Մեր երեխեքը եղել են Կապանում ու չգիտես ում հրամանով հայտնվել են Զանգելանում»,- հավելեց ակցիայի մասնակիցներից մեկը։