Որքան եմ երազում մեր խաղաղ օրերը, իսկ մարդասիրության ազնվագույն որակները միշտ կողքիս են
2020-10-08 12:26:00
2020-10-08 12:26:00
Հոկտեմբերի 8_ն է։Այս նյութը դիտել են - 2021 անգամ
Այդ անօրենները, մարտական գործողություններում ձախողվելով, թիրախավորում են խաղաղ բնակավայրերն ու այնտեղ պատսպարված բնակիչներիս։
Ամբողջ գիշեր հավիտենություն թվաց, դամոկլյան սուրը մեր գլխավերևում էր հրթիռակոծության տեսքով, մահաբեր ռումբերով, որ գալիս էր ոչնչացնելու երկրի երեսից ամեն ինչ։
Նմանապես լուսաբացը դիմավորեցինք օդային տագնապով, որն արդեն տասներկու օր ուղեկցում է մեզ։
Օրերը, ժամերը, րոպեները ճակատագիր են վճռում, որտեղ վհատություն չկա, երբ հայի հաստատակամությունն է չափվում, համառ կամքը, հայրենի հողում ապրելու վճռականությունը, ազատ ապրելու իրավունքը, մեր վերջնական հաղթանակը կռելու հավատը։
Որքան եմ երազում մեր խաղաղ օրերը, իսկ մարդասիրության ազնվագույն որակները միշտ կողքիս են, որ շատ ավելին են տեսանելի դարձնում, քան ես էի պատկերացնում։
Նատաշա Պողոսյան