Ի վերջո խոստովանեք, որ Հայաստանում ոչինչ էլ չի փոխվել.Ռոբերտ Մարգարյան
2019-12-28 00:35:00

Ռոբերտ Մարգարյանը ֆեյսբուֆյան իր էջում գրել է. 

ՀՀ հարգելի՛ վարչապետ Նիկոլ Փաշինյան: 

Սա ոչ թե 2008 թվականի, այլ 2019 թվականի դեկտեմբերի կադրեր են:
 Այդ ժամանակ դուք ոչ թե ընդհատակում էիք, այլ արդեն ՀՀ վարչապետի պաշտոնում մի քանի հարյուր մետր հեռավորության վրա նստած էիք Ձեր գրասենյակում:
Ձեր գլխավորած իշխանության իրավապահները ցրում են՝ ճիշտ կամ սխալ, տեղին կամ անտեղի, իրենց Սահմանադրական իրավունքից օգտվելով ԿԳՄՍ նախարարի հրաժարականը պահանջող դաշնակցական երիտասարդների նստացույցը:
Երեկ նրանց, իսկ այսօր էլ Ձեր իրավապահ ուժերը խոչընդոտում են քաղաքացիների ազատ հավաքների իրավունքը:
Ի վերջո խոստովանեք, որ Հայաստանում ոչինչ էլ չի փոխվել: Չէ, կարծես թե սխալվեցի: 2008 թվականի կադրերում գտնվող մարդկանց արտաքինից ու դեմքից դատելով, հաստատ ինչ-որ բան, ինչ-որ տեղ փոխվել է ու շատ է փոխվել....
Հ.Գ. Կադրերը հատկապես ընտրեցի ոչ թե «վնգստացողների», այլ Ձեզ հարազատ «Հայկական Ժամանակ»-ից:

Այս նյութը դիտել են - 3432 անգամ