Հակաֆեյքային պայքարում ես իմ անվերապահ աջակցություն եմ հայտնում ԱԱԾ պետ Արթուր Վանեցյանին
2019-04-04 09:26:00

Վարչապետը ԱԱԾ պետին հանձնարարեց լրջագույնս զբաղվել ֆեյքերով, համացանցում կառավարության դեմ իրականացվող մանիպուլյացիաներով: 

Հասկանալի է, որ համացանցում Նիկոլ Փաշինյանը չունի այն վարկանիշը, ինչ մի քանի ամիս առաջ էր: Իսկ եթե ավելի կոնկրետ՝ Նիկոլ Փաշինյանը խնդիր ունի համացանցը վերահսկելի դարձնելու:
 Բայց դա մեկ այլ թեմա է, որին անպայման կանդրադառնամ: Մանիպուլյացիաներից խոսելիս Փաշինյանը պետք է շատ հստակ ըմբռնի մեկ բան, որ թիվ մեկ մանիպուլյատորը հենց ինքն է, իսկ մանիպուլյացիաներով զբաղվողները այս պահին կառավարությունում բարձր պաշտոններ են զբաղեցնում:
 Խոսքը կառավարության աշխատակազմի ղեկավար Էդուարդ Աղաջանյանի մասին է, ով հեղափոխության օրերին դիմել էր անմարդկային ու ստոր քայլի՝ ինչ-որ պապիկի ներկայացնելով՝ որպես Արցախի հերոս Ռոբերտ Աբաջյանի պապիկ: Իհարկե, Նիկոլ Փաշինյանին ձեռնտու չէ նմանատիպ ստոր երևույթներին անդրադառնալ, քանի որ թավշյա հեղափոխության միակ գործիքակազմը՝ մանիպուլյացիան էր, որն էլ ապահովեց Նիկոլի ու քայլիստների իշխանության տիրանալը:

Ինչևիցե, հակաֆեյքային պայքարում ես իմ անվերապահ աջակցություն եմ հայտնում ԱԱԾ պետ Արթուր Վանեցյանին:
Այս մասին  ֆեյսբուքյան իր էջում  գրել է Աղվան Պողոսյանը:

Այս նյութը դիտել են - 2323 անգամ