Արթիկցի ծանոթի զավակին ԱԺ խցկելուն միտված հնարավոր քայլերը լիովին դուրս են «քա՛յլ արա, մերժի՛ր Սերժին» հեղափոխական ամենահայտնի լոզունգի տրամաբանության ծիրից
2018-11-02 19:20:00
2018-11-02 19:20:00
Հեղափոխական էյֆորիան Հայաստանում օրեցօր նահանջում է, ինչի հետևանքները զգալի են դառնում ոչ միայն հասարակական տրամադրություններում, այլև, թերևս, հեղափոխականների ու նրանց հետ անմիջական կապ ունեցող անհատների շարժուձևում, կենցաղում:
Հայաստանյան մամուլը բավական ուշագրավ մանրամասներ է հաղորդում, մասնավորապես, առաջին տիկնոջ՝ Արթիկ կատարած այցից:Այս նյութը դիտել են - 2961 անգամ
Պարզվում է՝ Աննա Հակոբյանն, ով «ռայոն» էր գնացել՝ սեփական ընկերուհու ջերմոց այցելելու, ձեռքի հետ էլ ջերմոցատիրոջ որդու համար ՔՊ ցուցակով պատգամավորի անցողիկ տեղ ապահովելու, մոտ 100 կիլոմետրանոց տարածությունը հաղթահարել է ուղղաթիռով, ինչն, ասում են, այնքան էլ դրական արձագանքի չի արժանացել տեղացիների կողմից. Հակոբյանին սկսել են կասկածել գլամուրային կենցաղավարության մեջ, ժողովրդից կտրվելու:
Իհարկե, միգուցե ուղղաթիռով Արթիկ գնալը սխալ կլինի համարել հեղափոխական արժեքների հանդեպ անտարբեր վերաբերմունքի արգասիք, սակայն, դիցուք, Արթիկցի ծանոթի զավակին ԱԺ խցկելուն միտված հնարավոր քայլերը լիովին դուրս են «քա՛յլ արա, մերժի՛ր Սերժին» հեղափոխական ամենահայտնի լոզունգի տրամաբանության ծիրից:
Էլ ինչպե՞ս է երկրում ձևավորվում կլանային համակարգ, մի՞թե ոչ ծանոթ-բարեկամ սկզբունքով, ինչին այժմ ականատես են դառնում բոլորով միասին: Թե՞ Նիկոլի ծանոթը կադրային պոլիտիկ է, իսկ ասենք Շարմազանովի ծանոթը՝ հայրենիքի դավաճան կամ ինչ-որ վիժվածք…
Հետո էլ մի ժամանակ Ռիտա Սարգսյանին էին քննադատում՝ հովանավորչության մեջ մեղադրելով, ի պաշտոնե առաջին տիկնոջ ազդեցությակ տակ գտնվող ոլորտները սեփականելու մեջ կասկածելով, այնինչ բանից պարզվում է՝ Աննա Հակոբյանը մի ողջ Ազգային ժողով է փորձում սեփականել. սկզբից եղբայրը, հիմա էլ ջերմոցատեր ընկերուհու որդին:
Եվ ուրեմն՝ Աննան ի՞նչ պակաս Ռիտա է…