2018-09-23 11:49:00
Կենտրոնական ընտրական հանձնաժողովը հրապարակեց Երեւանի ավագանու արտահերթ ընտրություններին մասնակցող 12 քաղաքական ուժի հայտարարագրած ու ծախսած գումարների նախնական հաշվետվությունը: Սեպտեմբերի 23-ին ՀՀ կենտրոնական ընտրական հանձնաժողովում լրագրողների հետ զրույցում թվերը հրապարակեց ԿԸՀ վերահսկիչ-վերստուգիչ ծառայության ղեկավար Տիգրան Բաբիկյանը:
Ըստ տվյալների՝
«Բարգավաճ Հայաստան» կուսակցություն- ներկայացրել է 58 մլն 941 հազար դրամ, որից ծախսել է 17 մլն 915 հազար 400 դրամը
«Երեւանի հանրություն» կուսակցությունների դաշինք- ներկայացրել է 1մլն 600 հազար դրամ, որից ծախսել է 1 մլն 7 հազար դրամ: Նաեւ առկա է պարտավորություն, 1 մլն 210 հազար 200 դրամի չափով
«Երեւանցիներ» կուսակցությունների դաշինք- մուծումներ եւ ծախսեր չեն կատարվել
«Երկիր Ծիրանի» կուսակցություն- ներկայացրել է 2 մլն 220 հազար դրամ, որից ծախսել է 172 800 դրամը
«Ժառանգություն» կուսակցություն- ներկայացրել է 7 մլն դրամ, որից ծախսել է 6 մլն 796 հազար 680 դրամը
«Ժողովրդավարական ուղի» կուսակցություն- ներկայացրել է 250 հազար դրամ, որից ծախսել է 249 հազար 996 դրամը
«Իմ քայլը» կուսակցությունների դաշինք- ներկայացրել է 40 մլն դրամ, որից ծախսել է 39 մլն 953 հազար 624 դրամը
«Լույս» կուսակցությունների դաշինք- ներկայացրել է 8 մլն 280 հազար դրամ, որից ծախսել է 6 մլն 266 հազար 575 դրամը
«Հայ Յեղափոխական Դաշնակցություն» կուսակցություն- ներկայացրել է 2 մլն 100 հազար դրամ, որից ծախսել է 1 մլն 716 հազար 800 դրամը
«Հայք» (Հայկազուններ) կուսակցություն- մուծումներ ու ծախսեր չեն կատարվել
«Ռեֆորմիստների» կուսակցություն- ներկայացրել է 3 մլն 400 հազար դրամ, որից ծախսել է 2 մլն 831 հազար 400 դրամը
«Օրինաց երկիր» կուսակցություն- ներկայացրել է 5 մլն 500 հազար դրամ, որից ծախսել է 5 մլն 441 հազար դրամը
Քաղաքական ուժերը օրենքով պարտավոր են վերջնական հայտարարագիրը ներկայացնել մինչեւ սեպտեմբերի 27-ը:
Այս նյութը դիտել են - 3704 անգամ